استبيان الى الطلاب الجامعيين

كيف سيتم الاجابة على هذا الاستبيان؟؟

انا اتمني ان يكون في ساعه محدده للراحه بين المحاضرات للطلبه مش تبقي المحاضرات كلها ورا بعضها ومفيش فاصل بينهم واوفق علي ان الطلبه يعملو جداولهم بنفسم ولا اوفق علي وجود منهج محدد للدراسه لان دا بيبلغي العقل عند الطلبه وقدرتهم ع الابداع واكتشاف الجديد ودي حاجه احنا جربناها في كليه الالسن وبصراحه استفدنا منها جدا وكمان ياريت يكون فيه في كل الكليات امتحانات ميد ترم ويبقي في درجات علي الحضور والغياب وكمان النشاط داخل المحاضره لانه هيبقي عامل محفز للطلبه انهم يبذلو مجهودات اكبر

1-اوافق علي الكتاب في حاله ان الماده مش تبع تخصصي ..لو كانت ماده تخصص فاوافق علي البحث العلمي والبحث في المراجع للوصول للمعلومه
2-لا في كلتي مفيش حشو كتير في المناهج
3-اوافق ....وتعتمد ايضا علي المشاريع إلي بنعملها بينا وبين بعض كطلبه
4-موافق .. وكمان ضد تماما اننا نتحط في اختيار مواد يادي يادي ويكونو الاتنين مهمين ومعتمدين علي بعض مثلا عندنا في الكليه في سنه رابعه هيخيرونا بين مواد والمفروض اصلا ان انا ابقي عارف الاتنين
5-اوافق ان ينتخب الدكتور من الطلبه واعضاء هيئه التدريس بس يبقي في تعريف بالدكتور علشان نقدر نختار
6-اوافق طبعا الساعات المكتبيه دي مهمه جدا ودي مطبقه عندنا
7-اوافق
8-اوافق .. واتمني اننا نزود فتره التدريب مثلا عندنا بندرب لمده شهرين طول فتره الدراسه طبعا مش هيكفو لأ حاجه اصلا
9-موافق دي مهمه جدا الرحلات دي بتعرفنا كطلبه ببعضنا وبتقربنا من بعض اكتر
10-موافق
11-لا كفايه جدا المدترم وكويزات السكاشن
12-مهي موجوده اصلا بس اتمني انها تزيد شويه وتتناسب فعلا مع المجهود المبزول فيها
13-اوافق
14-موافق
15-مهي الاجهزه دي موجوده بس بصراحه مش بفهم اوي من الدكاتره إلي بتشرح بالبروجيكتور .. البورد افضل لأني باخد بالي من كل حاجه بتتكتب لكن البروجكتور ممكن حاجات لما اروح احس اني اول مره اشوفها
16-موافق وهيا مطبقه في السكاشن والمعمل ... اعتقد في المحاضره هتبقي مفيده ان محدش يحضر في مواعيد غير مواعيده يزحم المكان
17-النزول لأماكن هيبقي افضل بكتيييييييير
18-موافق علي التصعيد لو كانت هتيديني خبره اكثر
بس لو التعليم الحالي اعتقد التقليل افضل لأن مش هتفرق لو زودو مش هاخد خبره برضو
19-موافق جداااا مش معنا انا كل شويه يتسحب مني الكارنيه
20-لا انا واحد من الناس مبحبش امشي بجدول دراسي .. اعتقد لو عملنا خطه دراسيه هيبقي افضل

اوكى ياجماعه ميرسى جدااا على الردو والاضافات والاقترحات ودى كلها ان شاء الله هتتحط ف الاعتبار

شكرا دكتور محمود ع هذا الرد المنظم والاقتراحات

جزاكم الله خير علي الاستبيان

وكما قلت يادكتورنا العزيز .دكتور محمود

اشكرك علي كل اقتراحاتك

[/center]